(غەززە)ى بیمار............(هۆنراوە)

(غزە) ی بیمار ,کوفر تەزێن

(غزە)ی زامار,خەڵتانی خوێن

گەرچی لەژێر...

ئاسمانی ئاگردا ئەژین..

بەڵام وەک شێر...

ڕۆڵەکانت پێمان ئەڵێن:

ئێمەی صەفی دوژمن شکێن

چۆک دانادەین,

ھەر سەربەرزین..

***

(غزە) ی بیمار...

شاری ئازار...

گەلێک زامدار...

بەڵێن بێ بە پەروەردگار...

گەر بمێنین..

تۆڵەی ئێوەی ماندوی بێ چار...

ئێوەی نازدار...

وەک و شێرێکی بریندار...

لەو دڕندانە بسێنین.. .

***

(غزە)ی ژێر تانک و دەبابە..

شاری تاقانەو وێرانە...

دڵنیابە..

ئازاری تۆ

ھاواری تۆ

گریان و ناڵەو زاری تۆ

ئێش و زامی ھەموو مانە...

***

(غزە) ی مەزڵوم

دڵنیابە...ئەم عەزابە

ئەم ھەموو ئازار و زامە!

دایکانی جەرگ سوتاوت...

جەستەو لاشەی کون کراوت...

خانو تەپۆلکەی ڕوخاوت...

مژدەیەکی بەردەوامە !

ئەم پەیامە

ئەگاتە جێ و

سەربەرزیش ھەر بۆ ئیسلامە.

-یاخی-

٢٥.٧.٢٠١٤

(سلێمانی)

يوليو 31, 2014